Helping parents cope with a cleft lip and palate.

O PSO M M IN G \ ir die leek is die gebied van 'n gesplete verhemelte in geheimsinnigheid en gebrekkige kennis gehul. ’n Gesplete lip en verhemelte wat nog nie herstel is nie is ’n onaangename en miskien selfs onstellende gesig, en ouers voel nie altyd heeltemal oortuig deur die gerusstellende woorde van dokters en verpleegsters dat plastiese chirurgie wonderlike werk aan babas met ’n gesplete verhemelte doen nie. Hulle het bewys nodig dat hulle baba binne enkele niaande soos enige ander baba sal lyk. Dit is ook net so belangrik dat hulle die versekering moet kry dat hulle gewaarwordings by die geboorte van die baba natuuriik en paslik is. Namate die baba groei en ontwikkel, moet die ouers miskien praktiese hulp, emosionele steun en inligting oor hulle baba se toestand kry. Dit is eintlik daarom dat ’n gemeenskapsgroep onder beskerming van SAVOS (die Suid-Afrikaanse Vereniging vir Oorerflike Siektes) gestig is om ouers en gesinne van kinders met ’n gesplete lip en verhemelte te help.